ລອງອ່ານເບີ່ງວ່າເຈົ້າມີພະວະຜູ້ນຳຈັກຂໍ້❗️❗️❗️

ບໍ່ວ່າໃຜກໍ່ຢາກເປັນເຈົ້າໃຫຍ່ນາຍໂຕ ຕູ້ສີຕູ້ສາກໍ່ຢາກມີອຳນາດຢູ່ໃນມື ແຕ່ວ່າອຳນາດ ແລະ ຄວາມເປັນໃຫຍ່ນັ້ນບໍ່ໄດ້ໄດ້ມາຈາກການຖືກເລກລາງວັນທີໜຶ່ງ ຫຼື ການຈັບສະຫຼາກລາງວັນໃດໆ ແຕ່ສິ່ງເລົ່ານັ້ນລ້ວນມາຈາກຄວາມຕັ້ງໃຈ ການສະແດງສັກກະຍາພາບຂອງໂຕເອງ ແລະ ການປັບປ່ຽນລະບົບຄວາມຄິດ ຫຼື Mindset ຂອງໂຕເຮົາ ພຽງແຕ່ປັບເລັກນ້ອຍໂອກາດຍິ່ງໃຫຍ່ກໍ່ຈະຢູ່ຕໍ່ໜ້າເຮົາ.
ແລ້ວຊິເຮັດແນວໃດຈຶ່ງຈະກ້າວໄປເປັນຜູ້ນຳທີ່ດີໄດ້ ມື້ນີ້ຂ້ອຍໄດ້ແປບົດຄວາມຈາກ UNLOCKMEN ນຳເອົາລັກສະນະຂອງຄົນທີ່ມີພາວະການເປັນຜູ້ນຳມາໃຫ້ອ່ານ ແລ້ວລອງກັບມາເບີ່ງໂຕເອງວ່າເຮົາມີພາວະນັ້ນຈັກຂໍ້ທີ່ຈະເຂົ້າຄ່າຍຄົນທີ່ຈະກ້າວສູ່ການເປັນຜູ້ນຳແຖວໜ້າໄດ້ ຫຼື ຖ້າຫາກບໍ່ມີເຮົາຈະກຽມໂຕ ແລະ ປັບປ່ຽນຄວາມຄິດແນວໃດເພື່ອເຮັດໃຫ້ກາຍເປັນຜູ້ນຳທີ່ດີໄດ້.

1. ເຈົ້າຈະໃຊ້ເຫດຜົນຫຼາຍກວ່າອາລົມ.
ບໍ່ວ່າຈະເປັນຜູ້ນຳ ຫຼື ຜູ້ຕາມ ຫາກເຈົ້າປ່ອຍໃຫ້ອາລົມຢູ່ເໜືອກເຫດຜົນ ໃຜຊິຢາກຮ່ວມງານກັບເຈົ້າ ຕໍ່ໃຫ້ເຈົ້າເປັນແມ່ຄ້າ ຫຼື ລູກຈ້າງການກ້າວໜ້າໃນອາຊີບຂອງຕົນລ້ວນແລ້ວແຕ່ອາໃສ Logic ເຊິ່ງເຈົ້າຈຳເປັນຕ້ອງມີຫຼັກການ ມີເຫດຜົນ ເພື່ອນຳມາລົບລ້າງກັບຄວາມຮູ້ສຶກໃຈຮ້າຍ ຫຼື ອາລົມຫງຸດຫງິດທີ່ຕົນມີ ແນ່ນອນສິ່ງເຫຼົ່ານີ້ມາຈາກປະສົບການ ແລະ ການຫາຄວາມຮູ້ເພີ່ມເຕີມ ຖ້າເຈົ້າສາມາດນຳເຫດຜົນໃາຢູ່ເໜືອອາລົມໄດ້ແລ້ວ ບໍ່ວ່າຈະເຮັດວຽກໃນສາຍອາຊີບໃດ ກໍ່ສາມາດກ້າວໜ້າໄດ້ຢ່າງແນ່ນອນ.

2. ເຈົ້າມັກເລີ່ມຈາກຄຳວ່າ "ເປັນຫຍັງ".
ເປັນຫຍັງນົກຄືໂບຍບິນຢູ່ທ້ອງຟ້າ ແລ້ວມະນຸດສາມາດຂື້ນໄປຢູ່ທ້ອງຟ້າໄດ້ບໍ ເປັນຫຍັງຄືມີແຕ່ໂລກເທົ່ານັ້ນທີ່ມີມະນຸດອາໄສຢູ່ ດວງດາວຕ່າງໆາ່ມາດອາໄສຢູ່ໄດ້ບໍ ຄຳຖາມເຫຼົ່ານີ້ລ້ວນແລ້ວແຕ່ຕັ້ງຂື້ນເພື່ອຫາຄຳຕອບທັງນັ້ນ ການເລີ່ມຕົ້ນເຮັດສິ່ງຕ່າງໆ ດ້ວຍຄຳວ່າເປັນຫັຍງ ແລະ ສິ່ງຕ່າງໆຄຳຖາມເຫຼົ່ານີ້ກໍ່ກາຍເປັນສິ່ງທີ່ຍິ່ງໃຫຍ່ສະເໝີ.
ໄຊມ້ອນ ຊິກເນກ ນັກຂຽນ Best Seller ຈາກໜັງສື Start With Why ໄດ້ອະທິບາຍໄວ້ວ່າ ຜູ້ຄົນບໍ່ໄດ້ສົນໃຈວ່າເຈົ້າເຮັດຫຍັງ ແຕ່ພວດເຂົາສົນໃຈວ່າເຈົ້າເຮັດເພື່ອຫຍັງຫຼາຍກວ່າ ດັ່ງນັ້ນຜູ້ນຳທີ່ດີກໍ່ຄືຄົນທີ່ຕັ້ງຄຳຖາມ ແລະ ຢາກຈະຫາຄຳຕອບໃຫ້ກັບໂຕເອງ ສຳຄັນຄືມັນສາມາດນຳໄປປັບໃຊ້ໄດ້ກັບທຸກສຶ່ງທີ່ເຈົ້າປະເຊີນ ເຊັ່ນເປັນຫຍັງເຂົາຄືບໍ່ຮັກເຮົານໍ? ອືມ.. ອາດຈະເພາະເຮົດີບໍ່ພໍ ບໍ່ຕ້ອງໄປຖາມເພື່ອໃຫເຂົາຕອບ ແຕ່ເຈົ້າຈົ່ງຖາມເພື່ອໃຫ້ຕົນເອງຕອບເອງຕອບຄຳຖາມນີ້ໃຫ້ໄດ້ແລ້ວເຈົ້າຈະບໍ່ກາຍເປັນຄົນທີ່ມົ້ວຊົ້ວແນ່ນອນ.

3. ຄິດນອກກອບສະເໝີ.
ຄຳວ່າຄິດນອກກອບ ບໍ່ໄດ້ແປວ່າເຈົ້າຕ້ອງແຫກກົດທຸກຢ່າງຈົນບໍ່ຮູ້ວ່າກົດເຫຼົ່ານັ້ນມີຫຍັງແນ່ ບາງຄົນມັກຈະນຳເອົາຄຳນີ້ໄປໃຊ້ໂດຍທີ່ໂຕເຂົາຍັງບໍ່ເຂົ້າໃຈເລີຍວ່າ ການຢູ່ໃນກອບນັ້ນເປັນແບບໃດ ແລ້ວມີປັດໃຈຫຍັງແນ່ທີ່ຍັງເຮັດໃຫ້ເຮົາຢູ່ໃນກອບແບບນີ້ ເມື່ອເຂົ້າໃຈກອບນີ້ດີແລ້ວ ເຈົ້າຂະສາມາດອອກໄປນອກກອບໄດ້ຢ່າງສະຫງ່າງາມ ແລະ ສາມາດສ້າງສັນສິ່ງທີ່ແຕກຕ່າງຈາກຄົນອື່ນໄດ້ ກ່ອນຈະອອກນອກກອບ ຕ້ອງເຂົ້າໃຈໃນກອບໃຫ້ດີ ເພາະຜູ້ນຳລະດັບໂລກຫຼາຍຄົນ ເຂົາເລີ່ມຕົ້ນຈາກາການຢູ່ໃນກອບ ແລ້ວຄ່ອຍກ້າວອອກໄປຈາກກອບນີ້ນັ້ນເອງ.

4. ເຈົ້າເປັນູຜູ້ຕາມທີ່ດີ.
ອ່ານຮອດຂໍ້ນີ້ອາດຈະງົງໆວ່າພາວະການເປັນຜູ້ນຳສູງ ກ່ຽວຂ້ອງຫຍັງກັບການເປັນຜູ້ຕາມ ໂຣເບີດ ເຄວລີ້ ຜູ້ຂຽນ The Power of Followership ໄດ້ບອກໄວ້ວ່າ ຜູ້ຕາມທີ່ດີຈະມີຄວາມຄິດທີ່ກົງກັນຂ້າມກັບເຮົາ ເພາະຜູ້ຕາມທີ່ດີບໍ່ແມ່ນຄົນທີ່ຈະ Say "Yes" ໃຫ້ກັບທຸກຢ່າງ ແຕ່ຈະເປັນຄົນທີ່ຕື່ນໂຕ ແລະ ມີໄອເດຍໃໝ່ໆ ໃຫ້ກັບຜູ້ນຳສະເໜີ ແລະ ຜູ້ຕາມທີ່ດີຈະສາມາດພຣີເຊັ້ນທຸກຢ່າງໄດ້ເຖິງຈະຂາດຜູ້ນຳໄປ ລອງເລີ່ມຕົ້ນເປັນຜູ້ຕາມກ່ອ ຢ່າຄິດວ່າຕ້ອງເຮັດວຽກໄປວັນໆ ຖ້າແຕ່ຮັບເງີນເດືອນ ແຕ່ໃຫ້ເຮັດຢ່າງເຕັມທີ່ ສະແດງສັກກະຍາພາບທີ່ເຈົ້າມີນັ້ນອອກມາ ເອົາ! ລຸຍຍຍຍຍ!!!!

5. ຟັງຫຼາຍກວ່າເວົ້າ.
ຄົນທີ່ຮູ້ຫຼາຍ ກໍ່ເກີດຈາກການຟັງທີ່ຫຼາຍກວ່າຄົນອື່ນ ຜູ້ນຳໂລກທຸລະກິດສ່ວນໃຫຍ່ຕ່າງກໍ່ມີລັກສະນະພື້ນຖານການເປັນຜູ້ຟັງທີ່ດີທັງນັ້ນ ການຟັງເປັນການເກັບກ່ຽວຄວາມຮູ້ຕ່າງໆ ມາສັ່ງສົມພອກພູນ ແລະ ໃຊ້ Logic ຂອງຕົນເປັນການຕັດສິນວິເຄາະໃຫ້ກາຍເປັນຂໍ້ມູນສຳຄັນໃນການພັດທະນາອົງຄວາມຮູ້ຂອງຕົນທີ່ມີ ຫາກເຈົ້າຟັງຄູ່ແຂ່ງຫຼາຍ ເຈົ້າກໍ່ຈະຮູ້ໄດ້ບໍ່ຍາກເລີຍວ່າເຂົາມີຈຸດດ້ອຍ ແລະ ຈຸດເດັ່ນອີ່ຫຍັງແນ່ ແລະ ນີ້ຄືສິ່ງທີ່ສຳຄັນທີ່ເຈົ້າຈະນຳມາປັບປຸງຜົນງານຂອງຕົນເອງໃຫ້ກ້າວໜ້າ.

6. ເຈົ້າສາມາດສື່ສານໄດ້ຢ່າງມີປະສິດຕິພາບ.
ຍຸກນີ້ໃຜກໍ່ຫຼີ້ນ Social Media ບໍ່ວ່າຈະເປັນ Facebook Twitter ຫຼື Instagram ເຮົາຕ່າງເຫັນຈຸດບອດຂອງມັນຄືການທີ່ຜູ້ຮັບສານຕີຄວາມໝາຍຜິດພາດ ແລະ ສາເຫດຫຼັກໆ ກໍ່ຄືການສົ່ງສານທີ່ຜິດພາດຂອງຜູ້ຂຽນເອງ ຄົນທີ່ຈະເປັນຜູ້ນຳໄດ້ດີ ຄືຄົນທີ່ສາມາດອຸດຈຸດບອດນີ້ໄດ້ ເພາະຜູ້ນຳຈຳເປັນຕ້ອງສື່ສານກັບຄົນຈຳນວນຫຼາຍ ຖ້າຫາກການສື່ສານຂອງເຮົາຫາກຜິດພາດ ຄົນທີ່ໄດ້ຮັບຄຳສັ່ງຈາກເຈົ້າໄປ ກໍ່ຄົງບໍ່ສາມາດເຮັດວຽກຕອບໂຈດໄດ້ ປີເຕີ ອີໂຄໂນມີ້ ຜູ້ຂຽນ Managing for Dummies ໄດ້ເວົ້າເຖິງຫຼັກການໜຶ່ງຂອງການສື່ສານຢ່າງມີປະສິດຕິພາບໄວ້ວ່າໃຫ້ຄຳນຶ່ງເຖິງ 7C ໄດ້ແກ່ Clear(ຊັດເຈນ), Credible(ໜ້າເຊື່ອຖື), Confident(ໝັ້ນໃຈ), Civil(ສຸພາບ), Concise(ກະທັດຮັດ) ແລະ Compassionate(ມີຄວາມເຫັນອົກເຫັນໃຈ) ຖ້າເຈົ້າສາມາດເວົ້າ ສື່ສານ ດ້ວຍການຄຳນຶ່ງເຖິງ 7C ນີ້ໄດ້ ການກ້າວຂື້ນເປັນຜູ້ນຳທີ່ມີປະສິດຕິດພາບ ແລະ ມີຄົນນັບໜ້າຖືຕາຍ່ອມເປັນເລື່ອງງ່າຍ.

7. ເຈົ້າບໍ່ເຄີຍລືມທີ່ຈະພັດທະນາຄົນທີ່ຢູ່ຂ້າງຫຼັງ.
ເຄີຍັສງເກີດບໍວ່າເຈົ້າພໍ່ທີ່ຢູ່ໃນໜັງມາເຟຍ ເຂົາສາມາດຄຸມລູກນ້ອງຢູ່ໃນກຳມືໄດ້ຢ່າງໃດ ເຫັດຜົນງ່າຍໆ ກໍ່ເພາະເຂົາບໍ່ລືມທີ່ຈະພາລູກນ້ອງກ້າວໄປສູ້ລະດັບແຖວໜ້າພ້ອມໆກັນ ການທີ່ເຈົ້າເຮັດວຽກ ແລະ ຄຳນຶງເຖິງທຸກຄົນໃນທີມ ນອກຈາກຜົນງານຈະກ້າວໜ້າແລ້ວ ທຸກຄົນຍັງເຕີມໂຕ ແລະ ສາມາດພັດທະນາທຸລະກິດ ແລະ ອໄງກອນໃຫ້ກ້າວໄປໄດ້ ຜູ້ນຳທີ່ດີ ຈະບໍ່ຖີ້ມຄົນທີ່ຢູ່ຂ້າງຫຼັງ ເພາະຕໍ່ໃຫ້ເຈົ້າມີອຳນາດ ມີເງີນທອງ ແລະ ມີຄວາມສາມາດ ເຈົ້າກໍ່ຕ້ອງອາໄສສັກກະຍາພາບ ແລະ ການບໍລິຫານຄົນໃຫ້ເປັນຢູ່ດີ.

8. ເຈົ້າມັກທີ່ຈະຮຽນຮູ້ທຸກສິ່ງຢ່າງ.
ບໍ່ວ່າເຈົ້າຈະຢູ່ໃນສະຖານະໃຫໃນອົງກອນ ການຮຽນຮູ້ບໍ່ມີທີ່ຊີ້ນສຸດ ໃຜສອນຫຍັງກໍ່ພ້ອມທີ່ຈະເປີດໃຈຮັບ ແລະ ຮຽນຮູ້ມັນສະເໝີ ການອ່ານໜັງສືກໍ່ເປັນສິ່ງທີ່ຈຳເປັນ ເຮົາສາມາດຮຽນຮູ້ຂໍ້ຜິດພາດ ແລະ ຄວາມສຳເລັດຂອງຄົນອື່ນໄດ້ຈາກການອ່ານ ແລະ ການຟັງປະສົບການທີ່ເຂົາເຫຼົ່ານັ້ນນຳມາແບ່ງປັນ ເຫັນບໍ່ວ່າທຸກຂໍ້ເຊື່ອມໂຍງກັນໄປມາ.

9. ໂຟກັດໄປທີ່ການແກ້ໄຂບັນກາຫຼາຍກວ່າການຈົມຢູ່ກັບບັນຫາ.
ການຈະກ້າວຂ້າມຜ່າຍໄປສູ່ສິ່ງທີ່ຍິ່ງໃຫຍ່ໄດ້ນັ້ນ ບໍ່ແມ່ນກ່ນນອນຈົມກັບກອງບັນກາຕ່າງໆ ແຕ່ຄືການລຸກຂື້ນປະເຊີນໜ້າກັບປັນຫາ ແລະ ແກ້ໄຂມັນໃຫ້ເຖິງທີ່ສຸດ ປົດລ໋ອກປັນຫາໄປເທື່ອລະຂໍ້ບໍ່ຍອມແພ້ ແລະ ໂຍນຖີ້ມມັນກາງທາງ ມື້ນີ້ເຈົ້າຍອມແພ້ ມື້ໜ້າມັນກໍ່ຈະຕິດນິໄສຍອມແພ້ມັນເລື້ອຍໆ ແລ້ວເມື່ອໃດເຮົາຈະຊະນະ.

10. ເຈົ້າບໍ່ຢ້ານທີ່ຈະເຮັດການໃຫຍ່ ແລະ ບໍ່ຢ້ານທີ່ຈະເປັນຄົນຕັດສິນໃຈເລື່ອງໃຫຍ່ໆ.
ສຳຄັນທີ່ສຸດຄືການຕັດສິນໃຈ ຜູ້ນຳຄືຄົນທີ່ຕ້ອງເຮັດການໃຫຍ່ ອ່ານເກມຂາດ ແລະ ຕັດສິນໄດ້ວ່າ ສິ່ງເຫຼົ່ານັ້ນຄວນເປັນໄປໃນທິດທາງໃດ ລວມເຖິງເປັນຄົນທີ່ຈະຮັບຜິດຊອບໃນການຕັດສິນໃຈຂອງຕົນ ເຈົ້າຕ້ອງກຳຈັດຄວາມຢ້ານທີ່ເຈົ້າມີໃຫ້ໝົດ ຖ້າເຈົ້າຢາກກ້າວໜ້າ ແລະ ເປັນຜູ້ນຳໄດ້ຂໍ້ນີ້ລວມໄປເຖິງເດັລຸ້ນໃໝ່ທີ່ຢາກເປັນນາຍໂຕເອງ ຫຼື ຢາກມີທຸລະກິດເປັນຂອງຕົນເອງ ຈຳເປັນຕ້ອງມີພາວະການເປັນຜູ້ນຳທັງສີ້ນ.

ເປັນຈັ່ງໃດແນ່ ພໍມີຈັກຂໍ້ທີ່ກົງກັບເຈົ້າບໍ? ອາດຈະມີຂໍ້ ສອງຂໍ້ ຫຼື ທັງໝົດ ນັ້ນຄືສັນຍານທີ່ດີ ການມີໜຶ່ງຂໍ້ກໍ່ສາມາດນຳໄປສູ້ສອງຂໍ້ໂດຍງ່າຍ ພຽງແຕ່ປັບວິທີຄິດບາງຢ່າງ ເປີດໃຈ ແລະ ກ້າທີ່ຈະປ່ຽນຈາກສິ່ງທີ່ຕົນເປັນ ໄປສູ່ສິ່ງທີ່ດີກວ່າ ການພັດທະນາສັກກະຍາພາຍຂອງຕົນເອງບໍ່ມີວັນໝົດ ແຕ່ໄຟທີ່ເຈົ້າມີອາດຈະໝົດໄດ້ທຸກເມື່ອ ເພາະສະນັ້ນເຮົາມາເລີ່ມພັດທະນາຕັ້ງແຕ່ມື້ນີ້ເລີຍດີກວ່າ.